SYLVA Ducis

SYLVA Ducis

vulgo Bosteduc Gall. Hertzogenbosch Belgica urbs Brabantiae, a Theodorico Hollandiae Comite expugnata, A. C. 1210. qui paulo post a Duce Brabantiae praedâ exutus, unaque cum Geldriae Comite captus est, Matth. Vossius, Annal. 2. l. 11. Iterum post quadrimestre obsidium expugnata ab Henrico Friderico Principe Arausion. A. C. 1629.

Silvae a veteribus memoratae:

Agnitia, Sclva d'Albi, aliter Angitia; estque satis parva, inter Albam et lacum Fucinum, iu finibus Marsorum. Algidum, Selva dell' Aglio, Latii. Angitia, eadem Agnitiae.

Arduenna silva, vulgo dicitur la Forest d'Ardenne ab incolis, seu les Ardennes; Extenditur per Hannoniam meridionalem, Luxemburgensem provinciam, et Leodiensem ditionem, eratque alias amplior. Bacenis silva, quae et Semana, nunc der Hartzwaldt dicirur. Vide Bacenis. Bohemica, Bohemischwaldt, pars Hercyniae. Dodone, in Epiro. Gabreta, Friestenwaldt, vel Friestetterwaldt, Bohemiae. Herculis, Hartzwaldt, Germaniae, pars Hercyniae. Hercynia, maxima Germaniae, in plures divisa, et ipsa Hartzwaldt. Alias maior fuit, et per Germaniam longe lateque extensa: nunc valde est imminuta, et pro maiori parte restringitur versus confinia Bohemiae, unde Behemerwaldt vulgo dicitur, ut etiam Thuringerwaldt versus confinia Thuringiae. Vide Hercynia. Litana, Selva di Lugo, in Aemilia. Maesia, Bosco di Baccano, Hetruriae. Parva est admodum. Marica, Campaniae, ad Lirin fluvium. Martiana, Germaniae, pars Hercyniae, Schwartzwaldt, inter Nicrum et Rhenum. Molorchos, Peloponnesi apud Nemeam. Nemaea, Selva di Tristena, Arigae. Nigra, Schwartzwaldt, Germanice la Forest Noire Gallis, alias Martina dicta, est in Germania, versus montem Abnobam et fontes Danubii, inter Brisigaviam et Sueviam. Vide Hercynia. Othonia, Ottenwaldt, Germaniae, pars Hercyniae: est in Sueviae et franconiae confinio, inter Nicrum et Moenum fluvios.